| NDLELA -
MSAMANZI - by Dumisani Ndlela -
Thina singu-Ndlela
- umsuka ku Bayeni. Indabuko sasuka
oBivane eduze nase Dumbe (Paulpetersburg).
Ukhokho esimkhumbulayo wadabuka kuleyo ndawo,
lomdeni wahlukana-ke lapho uma kuthuthwa abanye
babheka o-Phongolo nase Bhunya e-Swazini.
Umkhulu ozala ubaba kwakungu Gabane umfowabo
kungu Dlonono ababephila ngeminyaka yo 1880 to
1930.
Labo Ndlela bona basuka enhla no Bivane behla
njalo baze bazokhwakha ezintabeni eMlwane
bude-buduze ne Utrecht, bephuza kakhulu umfula
iNcome (Blood River). Lendawo yayinga hanjwa
neze ngemoto ngenxa yamakhelekethe ezintaba.
Kulaphoke okwazalelwa khona ubaba ozala thina U-Shampion
ngo 1920, kanye nezingane zakubo ezine, bezalwa
ngu mkhulu u-Gabane owayeganwe ogogo ababil u-gogo
UmaNxumalo no gogo uMaKhumalo.
Iningi lo Ndlela abadabuka ku Gabane no Dlonono,
uzobathola kakhulu manje e Newcastle, EMondlo,
eThekwini nase Mpangeni. Bese ubathola futhi
eGoli ngendaba yemisebenzi, kulaphoke nathi
esesizinze khona nemindeni yethi. Umkhulu
uDlonono yena wayeganwe uka Vundla, bazala
obabomcane o Aaron Ndlela no Abrose Ndlela bona
abakhe Osizweni (Nyonikhahlela).
Ngiyobuye ngibabize
ngezibongo zabo zobunsiswa bonke labo Ndlela.
Uma sithakasela
sithi: Ndlela, Msamanzi, Mbicini,
Manzaluthuli, Khethankomo, Ntshangase - wena ka
Lugogo. |
|
